ਇਹ ਨਫ਼ਰਤ ਦਾ ਸੱਪ ਕਿਸੇ ਤੁਹਾਡੀ ਦੇਹਲੀ ਲਿਆ ਧਰਿਆ,
ਖਤਰਾ ਬਣ ਦਰਵਾਜੇ ਤੇ ਖੇਡੇ, ਭਲਾਂ ਕੀ ਤੁਸੀਂ ਮਰੋਗੇ ਨਹੀਂ ?
ਘੁਪ ਹਨੇਰਾ ਚਾਰ ਚੁਫੇਰੇ ਉਨਾਂ ਨੇ ਕਰ ਛੱਡਿਆ ਏ ਮੇਰੇ ਲੋਕੋ,
ਡਿੱਗਦੇ ਫਿਰਦੇ ਏਧਰ ਓਧਰ, ਕੀ ਕੋਈ ਵੀ ਦੀਵਾ ਬਲੋਗੇ ਨਹੀਂ ?
ਤੁਸੀਂ ਜੋ ਚੁਣੇ ਓਹ ਖੁਦ ਹੀ, ਤੁਹਾਡੇ ਦੁਸ਼ਮਣ ਬਣ ਬੈਠੇ ਹਨ,
ਤਾਕਤ ਤੁਹਾਡੇ ਹੱਥੀਂ, ਕੀ ਕੁਰਸੀਓਂ ਜਾਨਵਰਾਂ ਨੂੰ ਉਤਰੋਗੇ ਨਹੀਂ ?
ਮਨੁੱਖ ਤੋਂ ਮਨੁੱਖ ਨੂ ਕਾਹਦਾ ਖਤਰਾ, ਜੇ ਸਭਿਅਕ ਰਹਿਕੇ ਜੀਵੀਏ ,
ਆਹ ਜੋ ਬੁੱਲੇ ਝੁਲਸਣ ਆ ਗਏ ,ਤੁਸੀਂ ਦੱਸੋ ਕਿਓਂ ਰੋਕੋਂਗੇ ਨਹੀਂ ?
ਇੱਕ ਨਿੱਕੀ ਤੀਲੀ ਦੇਂਦੀ ਫੂਕ, ਮੀਲਾਂ ਤੀਕ ਦੀਆਂ ਫਸਲਾਂ ਨੁੰ
ਤੀਲੀਆਂ ਜੋ ਹੱਥੀਂ ਲਿਆਏ ਹਨ, ਕੀ ਓਹਨ ਤੋਂ ਖੋਹਵੋਂਗੇ ਨਹੀਂ ?
ਮਾਲੀ ਹੀ ਬਣ ਗਿਆ ਹੈ ਨਕਸ਼ਦੀਪ , ਚਾਰ ਚੁਫੇਰੇ ਫੁੱਲਾਂ ਦਾ ਦੁਸ਼ਮਣ
ਉਸ ਦੇ ਪਾਗਲਪਣ ਦਾ ਇਲਾਜ, ਕੀ ਤੁਸੀਂ ਹੁਣ ਕਰਾਵੋਂਗੇ ਨਹੀਂ ?
0 Comments